Este lúcido ensaio constitúe un reto de gran calado para a investigación científica, a creación dunha política social e o futuro da teoría feminista e de xénero.
¿É un neno ou unha nena? A primeira pregunta que nos formulamos fronte a un recén nacido é a que mellor reflicte a nosa profunda crenza na inherencia e connaturalidade da diferenza sexual, así como o fundamental que é o sexo na nosa concepción da identidade humana. Anne Fausto-Sterling móstranos, a través dun rigoroso análise médico, como a resposta é moito máis complexa e hai que buscala tanto no reino da ciencia como no da política.
Este ensaio clásico examina a construción da identidade sexual na bioloxía, a sociedade e a historia, ao tempo que propón un cambio radical de paradigma na nosa forma de entender e estruturar a experiencia do ser humano.
Esta segunda edición, revisada tras a súa publicación hai dúas décadas, inclúe actualizacións sobre investigacións innovadoras, demostra como os científicos politizaron historicamente o corpo e desmonta tres dualismos clave (sexo/xénero, natureza/crianza e real/construído).
