ENTROPÍA. Poesía desde la herida reúne poemas sobre amor e desamor romántico, neurodivergencia e trans*ición. Textos que non buscan embelecer a dor, senón nomeala con precisión: o que se rompe, o que se desordena, o que cambia de forma cando unha relación remata, cando o corpo e a identidade se reconfiguran, cando a experiencia neurodivergente atravesa o vínculo e a linguaxe.
“Entropía” funciona aquí como metáfora emocional e vital: aquilo que xa non volve ao seu estado anterior. Unha poesía directa e vulnerable, escrita desde a cicatriz aberta, onde a intimidade convértese en materia política e o persoal léese como experiencia compartida.
Sobre o autor:
Zoe García é escritor, músico e biólogo especializado en xénero. Persoa trans non binaria, bisexual e autista. Traballa entre a creación e a divulgación, cunha presenza activa nas redes sociais, onde comparte contidos sobre neurodivergencias, realidades trans e diversidade,dende unha perspectiva persoal, pedagóxica e crítica.
A súa obra móvese entre a poesía e o ensaio, e vincúlase tamén á formación, a xestión e a produción cultural. Forma parte do equipo de Col·lectiu Argelaga, entidade que impulsa accións educativas, acompañamentos e proxectos relacionados coa diversidade e inclusión. Militante en espazos de loita de clase, feminista e anticapacitista. Sempre en constante deconstrución.
Instagram: @zoe.grks
