Keith Haring é sinónimo da escena artística do downtown neoyorquino dos anos oitenta. A súa obra —de liñas sinxelas e audaces e figuras dinámicas en movemento— calou na conciencia mundial e segue sendo instantaneamente recoñecible décadas despois da súa morte. Esta edición reúne noventa imaxes en branco e negro de obras clásicas e Polaroids inéditas, e ofrece unha mirada extraordinaria a un home que, no seu empeño por converterse en artista, acabou converténdose nun ícono.

Keith Haring (1958–1990) foi unha das voces máis visibles da arte urbana e da cultura club neoyorquina. Nos paneis negros que cubrían espazos publicitarios baleiros do metro, onde debuxaba con xiz, e en murais como Crack Is Wack ou Tuttomondo, creou un vocabulario gráfico directo —bebés radiantes, cans ladrando, corpos en movemento— que converteu o espazo público nun medio de comunicación. Aquela práctica, a miúdo sancionada pola policía, non fixo máis que aumentar a súa notoriedade. Activista comprometido, defendeu a educación artística, os dereitos LGTBIQ+ e a loita contra o VIH/sida, e colaborou con músicos, bailaríns e deseñadores, integrando arte e vida cotiá a través do Pop Shop, a súa tenda en SoHo (1986) concebida para democratizar a súa iconografía e frear as falsificacións.

Edición en versión original (inglés). Un documento esencial para entender o seu proceso creativo e o contexto cultural dos anos oitenta desde a súa propia voz.