E TI, QUE ANIMAL ES?

Os relatos ferozes e adictivos dunha das voces máis orixinais da narrativa española actual: un libro salvaxe, perturbador e inesperadamente amoroso

Hai unha adolescente disfrazada de leoparda que busca ternura nunha festa mentres libra unha guerra contra o seu propio desexo. Hai gacelas que devoran leóns. Hai nenas que agochan a violencia baixo a pel estampada. Hai corpos que mutan, que se camuflan, que aprenden a mostrar os dentes. Nestes relatos, as vítimas convértense en verdugos e os verdugos reclaman amor. A selva non está fóra; latexa baixo a roupa, baixo a maquillaxe, baixo a linguaxe, e cada historia abre unha fenda no cotián. Obríganos a mirar de fronte aquilo que preferiríamos domesticar: o desexo, a identidade, a ferida, a maternidade, a crueldade.

Animal print é un libro de fábulas contemporáneas onde o salvaxe e o humano intercambian máscaras. Cuevas escribe como quen acaricia cunha man e araña coa outra, cunha prosa feroz e delicada ao mesmo tempo, lírica e afiada, e converte cada relato nun espello deformante onde baixo cada pel hai outro animal agardando o seu momento para revelarse.

Porque todos levamos unha fera dentro. E ata a máis brutal segue buscando amor.