A correspondencia de Maruja Mallo é fundamental para comprender a artista española máis importante do século XX e unha das máis relevantes no panorama internacional, comparable polo seu linguaxe orixinal e universal con artistas como Frida Kahlo ou Georgia O’Keeffe. Maruja escapa a calquera clasificación: personaxe singular, adiantada ao seu tempo e transgresora, foi unha muller libre que encarnou un novo ideal de muller moderna independente. Figura importante no efervescente Madrid dos anos 20 e 30, a través destas cartas –a gran maioría, inéditas– permítenos adentrarnos nese fascinante mundo do 27 e da Residencia de Estudantes, da súa amizade con Dalí –compañeiro na Academia de Belas Artes–, Lorca, Buñuel, Gregorio Prieto, Alberti e moitos outros. Esta correspondencia dálle claves sobre as súas amizades pero tamén sobre a súa ambición como artista.

«Cada carta, cada destinatario, devólvenos unha imaxe inesperada e plural de Maruja Mallo; cada unha das persoas que habitan esta creadora extraordinaria». Estrella de Diego

«Un labor tan minucioso como necesario, que reafirma a vixencia e a relevancia de Maruja Mallo». Tània Balló

As cartas de Maruja Mallo proporcionan claves fundamentais para entender a unha das grandes artistas do século XX.

Maruja Mallo (Vivero, Lugo, 1902-Madrid, 1995) é unha das artistas máis importantes do século XX. Personaxe fundamental do Madrid dos anos 20 e 30, foi unha das modernas e transgresoras Sinsombrero. Amiga entre outros de Dalí, Lorca, Buñuel, Alberti, Concha Méndez, María Zambrano e Gómez de la Serna. En 1928 expón a súa serie das Verbenas en Revista de Occidente con gran éxito. En 1937 exílase á Arxentina onde, fascinada por ese novo mundo, realiza as súas orixinais series. Ao seu regreso a Madrid, nos anos sesenta, será redescuberta por unha xeración nova que se fascinou tanto pola súa obra como polo singular personaxe.

Guillermo de Osma. Historiador da Arte e Galerista. Leva máis de trinta anos traballando sobre Maruja Mallo, da que organizou tres importantes exposicións na súa galería, amosando por primeira vez a súa obra americana. É coautor do Catálogo Razonado da obra pictórica de Maruja Mallo (2021) no que publica un longo ensaio sobre os anos arxentinos da artista. Desde 1992, colaborou con museos e fundacións na organización das tres grandes exposicións da artista.