Desde un primeiro momento, Juanito descobre que non encaixa cos demais. No colexio comezan a chamalo mariquita e non sabe moi ben que significa. Esta obra persoal conta unha historia universal: a dos marginados, os diferentes, os acosados.

Unha historia autobiográfica sobre a homofobia.

Desde a súa infancia e ata os nosos días, Juanito Libritos cóntanos as súas vivencias como homosexual na España dos anos 90. A homofobia que sufriu na súa etapa escolar, a busca da identidade na adolescencia e os seus inicios na vida adulta como home abertamente gay.

Mariquita é unha fiestra aberta á vida do propio Juanito Libritos, unha historia de crecemento e aprendizaxe na que vemos como un neno advirte desde o primeiro minuto que non encaixa nin na súa familia nin na súa escola nin na sociedade.

Pero non só se fala do acoso que recibe por ser gay: tamén se fala de como era a sociedade española dos anos 90 en relación á diversidade sexual, de como a cultura e os libros nos poden salvar a vida ou de como unha persoa LGBT comeza a descubrir o colectivo ao que pertence.

A crítica dixo...

«Dibúxase un manifesto a favor da inclusión. Para lembrar a grandes e pequenos que todos somos distintos, pero iguais. E libres de ser o que queiramos.»
El País

«Unha historia que vai da tristeza e a soidade á aprendizaxe e ao empoderamento. E á felicidade na universidade.»
Justo Barranco, La Vanguardia

«Un deses cómics que debería cambiar a forma que moitos teñen de entender o mundo.»
Mondo Sonoro

«Unha historia coa que moites se verán, sen dúbida, identificades, e que resulta ser un testemuño de superación persoal e de orgullo LGTBI que cautiva.»
Shangay

«Un título imprescindible.»
Diario SUR

«Estas historias non só merecen ser contadas, senón que tamén merecen ser escoitadas.»
A book whisperer

«É unha obra de arte deseñada por el mesmo, chea de cor e de debuxos.»
Onda Cero Cataluña

«Un cento de páxinas que invitan á risa ou ao choro a partes iguais.»
Viva Málaga

«A biografía dun colectivo que amosa unha realidade e axuda a ensinar que formamos parte dunha comunidade que comparte moitas vivencias.»
Togayther

«Un referente para todos aqueles nenos que se sentiron sós, marginados, humillados, diferentes.»
Antonio Cazorla

«Coñecen nas súas páxinas esa busca de identidade que loitou durante moitos anos na súa familia, escola e sociedade.»
Revista DC

«Un libro que creo que debería ser lido desde a adolescencia para ensinar que non se pode xulgar a ninguén nin polo seu sexo, cor ou orientación sexual, etc.»
Vuelo de cuervos