Nos recordarán: Una mirada LGTBIQ+ al arte de todos los tiempos

O ARTE NON É TAN HETERO COMO CHE CONTARON.

O segundo libro da divulgadora Clara González Freyre de Andrade (@claramore_) (Un Van Gogh en el salón) e a primeira historia da arte LGTBIQ+ contada como un xornal.

Díxese que a arte é a casa de todos, aínda que durante séculos se excluíu a quen non seguía os estándares. Este libro amosa como o colectivo LGTBIQ+ transformou o mundo a través das artes desde os seus inicios ata a actualidade.

Con cada capítulo inspirado nunha cor distinta da bandeira arco da vella, Clara González Freyre de Andrade (@claramore_) explora a obra de artistas como Toulouse Lautrec, Rubens, Hilma af Klimt ou Natalie Barney e o seu impacto na sexualidade, as disidencias, a saúde, o orgullo, a espiritualidade ou o racismo ao longo da historia. Combinando artes plásticas, fotografía ou escultura, Nos recordarán ilumina a capacidade de crear, resistir e brillar máis alá de etiquetas e escándalos.

Para calquera que sentise que non encaixaba, que buscara referentes e que amase fóra dos márxes. É para ti, que queres mirar a arte con outros ollos.

«A historia da arte sempre tivo unha seria carencia de puntos de vista. Este libro é un desafío necesario para que un panorama máis completo e xusto chegue ao público.» Miguel Ángel Cajigal (El Barroquista)

«A miúdo a arte foi un refuxio para transmitir o que a sociedade castigaba. Menos mal que Clara González Freyre de Andrade (@claramore_) o saca á luz para que non esquezan a quen veu antes.» Mikel Herrán (PutoMikel)

«Emociona esta andaina polos márxes da historia da arte. Clara González Freyre de Andrade (@claramore_) disecciona con soltura todo aquilo que nos importa.» Bernardo Pajares e Juanra Sanz (Arte Compacto)

«Sen dúbida, unha lectura imprescindible sobre a nosa memoria colectiva.» Carla Serrano Sastre (@la.inercia)

Clara González Freyre de Andrade (@claramore_) é historiadora da arte especializada en Crítica e Comunicación Cultural. Focaliza a súa carreira na divulgación, especialmente nas redes sociais, onde promove unha mirada próxima, xusta e inclusiva da disciplina. Con máis de 300.000 seguidores, impulsa o pensamento crítico e visibiliza a mulleres e a persoas LGTBIQ+. Escribiu en El Grito (El Confidencial), Arteinformado, Yorokobu ou El Orden Mundial e colaborou con museos, universidades e institucións mediante charlas e paseos guiados. É autora de Un Van Gogh en el salón (Temas de Hoy, 2024).