Un libro cheo de valentía e sinceridade que reúne fotografías e testemuños de setenta e cinco infancias queer desde a idade adulta. Prólogo de Valeria Vegas.

Díxese que existen máis de dúascentas variedades diferentes de cereixeiros e que as súas flores non son sempre rosas. A variedade Prunus takesimensis, por exemplo, coñecida polas súas flores brancas, é en realidade máis común do que se pensa.

Outras flores poden cambiar de cor ao longo do período de floración, como a variedade Prunus Ukon, que vai do amarelo verdoso ao branco antes de, ao final, volverse de cor rosa. Cada árbore florece unicamente durante unha semana en todo o ano.

Ninguén se atrevería a dicirlle a unha flor cando ten que saír, como se ten que comportar ou de que cor ten que ser; simplemente existe e a súa beleza e variedade fan deste mundo un lugar máis fermoso, diverso e emocionante.

Outras flores é un álbum fotográfico de infancias LGTBIQ+ compilado por Xavi Reyes no que os seus protagonistas, agora persoas adultas, comparten reflexións, anécdotas, historias de primeiros amores, recordos entrañables e dolorosas memorias de quen tiveron que facerse maiores á forza.

É un dedo na chaga e un abrazo a corazón aberto.

Prólogo de Valeria Vegas.