¿ACASO ERA POSIBLE QUE ALGÚN DÍA INSPIRARA EN OUTROS A MESMA FELICIDADE QUE MUDDY PARECÍA INSPIRAR EN MÍ?

É 2005 en Gran Bretaña e Harley é un mozo negro queer ao que lle está custando atopar o seu lugar no mundo. Tras abandonar a universidade e volver á casa, séntese un fracasado e un inepto. Un día, no bosque, cando Harley está a piques de cometer un acto drástico e irreversible, un descoñecido alto e desgarbado que sae entre os arbustos cunhas prismáticos na man impídelle.

Muddy é un observador de aves entusiasta cuxo desexo de vivir fai que os demais se sintan ben con el. É un fanático do rugby e de Oasis, e non tarda en converterse nun amigo leal de Harley, a quen o seu entusiasmo lle resulta contaxioso e os seus coviños irresistibles. Non tardan en converterse en amigos do alma. Harley comeza a crer que quizais mereza a pena vivir, mentres que Muddy descobre cousas sobre si mesmo que pode que os seus amigos do equipo de rugby non sexan capaces de comprender.

Con todo, cando varias figuras do pasado ameazan con afundir de novo a Harley no máis fondo da súa depresión, a súa única esperanza é Muddy e as pequenas ledicias que crean xuntos.

Pequenas ledicias é unha novela épica, conmovedora, divertida e tenra sobre unhas vidas normais e cotiás que nos presenta un elenco de personaxes inesquecibles e un novo gran talento literario.

«Este divertido debut cargado de bondade é unha oda á amizade queer e á familia escollida... Estamos ante unha novela tenra sobre atopar a túa xente, mostrarse vulnerable e celebrar todas as ledicias, sexan grandes ou pequenas». BuzzFeed