Que é a transexualidade?, é unha enfermidade?, os menores que non se axustan ás normas de xénero serán adultos transexuais?, todas as persoas trans teñen unha traxectoria vital similar?, como se pode combater a transfobia? Neste libro preséntase como un instrumento para o cambio social e utilízase o termo trans*, con asterisco, para subliñar a diversidade das vivencias das persoas que exceden as normas sobre o que se prescribe como propio de mulleres e homes, evidenciando a rigidez do sistema binario no que vivimos. Propoñen estratexias concretas, como unha serie de factores de saúde que inciden na calidade de vida así como a prevención e intervención comunitaria sobre a transfobia, e unha investigación cualitativa que amosa os testemuños das persoas trans* de todas as idades, incluíndo os menores, as súas familias e os profesionais que as acompañan. A segunda parte do libro ofrece ferramentas prácticas, como son as actividades grupais para entender as necesidades das persoas trans* e as historias dalgunhas persoas que no pasado desafiaran o seu sexo asignado no nacemento. Pechan o libro algúns recursos recomendados (películas, curtos, libros) e un glosario de termos.